Децата од група Јаболчиња (5-6г.), објект Први стапки, имаа можност да ја посетат локалната пекара “Билјана 2 000” и одблиску да се запознаат со тајните на подготовката на вкусните пекарски производи.
Со голема љубопитност ги следеа мајсторите пекари, видоа како се меси тестото и самите се обидоа да обликуваат кифли. Децата уживаа во мирисот на свежо печено бело печиво и со задоволство дегустираа дел од топлите пекарски производи.
Преку оваа посета, децата научија за важноста на пекарството, вредноста на трудот и како храната стигнува до нашата трпеза.
Благодарност до љубезните домаќини за гостопримството и инспиративното искуство!