Работилница „Детски играчки – здравјето и безбедноста на децата“

На 20 ноември 2023 година во нашата градинка, објект „Бисерчиња“ се одржа работилница за воспитувачите од детските градинки во Скопје на тема „Детски играчки – здравјето и безбедноста на децата“ од страна на Бирото за развој на образованието во рамките на Програмата за заштита на потрошувачите за 2023 година. Во рамки на работилницата воспитувачите се запознаа со правата на потрошувачите, особено со акцент на производите наменети за децата – детските играчи, односно за користењето на играчките во едукативниот процес, но и за правилниот избор на детска играчка која што не ја загрозува безбедноста и здравјето на децата.
На учесниците на работилницата им се обрати директорот на Бирото за развој на образованието г-дин Абдулфета Фетаи кој ја истакна важноста и потребата потрошувачите да се информираат и да се стекнат со знаења и ресурси што им се потребни за да донесат информирани одлуки.