Др. Светлана Ристеска-Иванова и медицинската сестра Славица Алексиќ во објектите Први стапки и Бисерчиња, преку едукативно и забавно предавање на тема „Градба и функција на оралната празнина“ на децата им објаснија колку е важно правилното одржување на оралната хигиена.
На разбирлив начин на децата им беше презентирана техниката на правилно миење на забите и се зборуваше за превенцијата од кариес.
Децата покажаа особен интерес за предавањето, поставуваа прашања и практично ја применија техниката, учејќи како правилно и секојдневно да се грижат за своите заби.