Просториите на Управата се сместени во објектот Карпош 3 со канцелариски простор за директор, стручните служби, административно – правни и финансиски работи, тековно одржување и обезбедување на објектите, набавка, транспорт, просторија за централен магацин и главната кујна во која секојдневно се подготвува ручекот и дел од ужините за сите три објекти, односно за сите запишани деца во Установата. Градинката Карпош 3 отпочнала со работа на 22 април 1971 г. Лоцирана во непосредна близина на ООУ „Лазо Трповски“, Гимназијата „Никола Карев“ и  ТЦ Лептокарија, опкружена со многу блокови и висококатници како и нови згради и згради кои се во фаза на градба, поради што повеќе години наназад  работи и прифаќа деца над капацитетот, со цел да им излезе во пресрет на граѓаните од населбата.

 

Објектот Карпош 2 е лоциран  меѓу  Драмскиот театар  и ОУ „Вера Циривири Трена„ и опкружена со многу згради како и висококатници, заради што и овој објект повеќе години работи со деца над  капацитетот. Изграден е во 1966 г. со средства од Западна Германија, во рамките на акцијата: „Во знак на помирување“ – период на интензивно градење  по катастрофалниот земјотрес во Скопје.

Во 2012 год. градинката е целосно реконструиран со средства од УСАИД и Општина Карпош: поставен е нов покрив, сончев колектор, нова фасада, нови ПВЦ прозорци и врати, реконструирани се тоалетите и како една од првите енергетски ефикасни градинки  во опшитината и Градот, со што многу се подобри и поквалитетни условите за престој на децата и што е најважно Градинката штеди електрична и топлотна енергија.

 

 

Објектот Карпош 4 е лоциран  спроти ООУ „Петар Поп Арсов“ во населбата Карпош 4. Пуштена во употреба во 1976 година. Изградена е на два ката и подрум, располага со соодветни просторни услови, кои максимално се користат во текот на годината. И во оваа градинката подолго време се запишуваат повеќе деца од проектираниот капацитет, со оглед дека е лоцирана во густо населена населба.

 

Во сите објекти има домофони заради безбедност на децата и објектите.